Lapurdiko inauteriak, 33 urte argitalpen batean

<div>
<br>Pasa den urtarrilaren 14an, Dantzan Ikasi programan Thierry Truffaut-ekin "Lapurdiko inauteriak eta bere lehengusuak" izeneko saioa burutu genuen. Bertan inauterien oinarrizko azalpenetatik abiatuta, Europan ohikoak diren hainbat ezaugarri eta azkenik Lapurdiko inauteriaren inguruko xehetasunak ezagutzeko aukera izan genuen. Baina horrekin batera liburu berri eta berezi baten iragarpena egin zigun. Azken 33 urteotan, Lapurdiko inauteriaren inguruan egindako ikerketa eta bilketa lan handiaren emaitza, oso osorik, bere dokumentu, ohar, idazlan, argazki eta agiri guztiekin, argitaratu eta "emango" du argitalpen baten bidez Thierry Truffaut-ek.<br><br>&nbsp;"Herritarrengandik jasotakoa herritarrei itzuli" nahi diola adierazi zigun Truffaut-ek, eta beraz, material guzti hori, 3.500 orrialdez osatutako lan-mardula, argitaratu eta lapurtar eta inauterizale guztien eskura jarriko du. Liburu bat eta hiru DVDk osatzen dute argitalpena, eta izenburua "Vers un inventaire des traditions carnavalesques et hivernales de la province du Labourd&rdquo; du. Jose Migel Barandiaran Fundazioak argitaratuta, Lapurdiko 40 herritako inauteriei buruzko testigantzak, albisteak, agiriak, argazkiak jasotzen ditu. Ez bakarrik Thierry Truffaut-ek idatzitakoak, baizik eta baita beste ikertzaile batzuk egindako lanak ere. Otsailaren 4an, Baionan, Eusko Ikaskuntzaren egoitzan egingo da lan honen aurkezpena. Dantzan Ikasiren blogean jaso dugu jardunaldiko kronika eta liburu berriaren aipamena.<br><br><a href="http://www.dantzan.com/blogak/dantzanikasi/lapurdiko-inauteriak-kronika">http://www.dantzan.com/blogak/dantzanikasi/lapurdiko-inauteriak-kronika</a><br>
</div>